काठमाडौँ, १५ वैशाख – नेपाली कांग्रेस युवा नेता एवं नेपाल विद्यार्थी संघका पूर्व महामन्त्री कुन्दनराज काफ्लेले विवाहको खर्च ‘कोभिड—१९ प्रधानमन्त्री राहत कोष’मा जम्मा गरेका छन्।
युवा नेता काफ्लेले स्वास्थ्य तथा जनसंख्यामन्त्री भानुभक्त ढकाललाई दुई लाख रूपैयाँ हस्तान्तरण गरेका हुन्। काफ्लेका साथमा उनकी श्रीमती मेनुका अधिकारी पनि रकम हस्तान्तरणका लागि मन्त्रालय पुगेकी थिइन्।
‘वैश्विक महामारी र संकटका बेला सरकारलाई हाम्रो साथ चाहिन्छ, हामीलाई सरकारको साथ चाहिन्छ, त्यसैले वैवाहिक समारोहमा खर्च गर्ने रकम नागरिकको हितमा खर्च गर्ने गरी राहत कोषमा जम्मा गरिएको हो,’ काफ्लेले भने।
प्रतिक्रिया