काठमाडौं, २२ साउन – नेपाली रंगमञ्चका एक सफल जोडी हुन् जीवन भट्टराई र लक्ष्मी बर्देवा। पछिल्लो समय म्यूजिक भिडियोमा पनि जीवन र लक्ष्मीको सघन ‘रोमान्स’ले सांगीतिक जगतमा सुसन्देश दिइरहेको छ।
गायिका मेलिना राईको स्वर रहेको ‘आएन खबर’ गीतमा पनि लक्ष्मी र जीवनले अभिनय गरेका छन्। उनीहरूको अब्बल प्रस्तुतिलाई दर्शकले खुबै प्रशंसा गरेका छ।
लक्ष्मी र जीवनको संयुक्त निर्देशन रहेको म्यूजिक भिडियो रहेको म्युजिक भिडियोमा परदेशिएका श्रीमान् श्रीमतीको कथा प्रस्तुत गरिएको छ।
गाउँघरको कथा प्रस्तुत गरिएको म्युजिक भिडियोमा घाँसदाउरा गर्दाका अविस्मरणीय पलहरू र मिठा सम्झनाहरूलाई शिलशिलाबद्ध देखाइएको छ।
चिन्तामणि शिवाकोटीको शब्द रचनामा तयार पारिएको गीतमा हरि लम्सालको संगीत रहेको छ। गीतारमा सञ्जीव बराइलीले साथ दिँदा बाँसुरी उमेश पण्डित, मादल खड्ग बुढा र सारंगी हेमन्त कान्छाले रेटेका छन्।
रेकडिस्ट राजाबाबु चौधरी र अजय कार्की तथा मिक्सिङ चन्द्र चौधरी रहेको गीत स्टुडियो एकस्टिकमा तयार पारिएको हो।
प्रतिक्रिया