भारतका पूर्वराष्ट्रपति मुखर्जीको स्वास्थ्य अवस्था गम्भीर

काठमाडौं, २७ साउन – भारतका पूर्वराष्ट्रपति प्रणव मुखर्जीको स्वास्थ्य अवस्था गम्भीर भएको छ। हिन्दुस्तान टाइम्सका अनुसार कोरोना भाइरस (कोभिड–१९) को संक्रमण पुष्टि भएका मुखर्जीको स्वास्थ्य अवस्था गम्भीर भएको हो।

नयाँ दिल्लीकै सैनिक अस्पतालमा मुखर्जीको मस्तिष्कको शल्यक्रिया गरिएको थियो। ब्रेन सर्जरीपछि मुखर्जीको अवस्था नाजुक बनेको हो। अहिले उनलाई भेन्टिलेटरमा राखिएको छ।

मुखर्जीले सोमबार ट्वीट गर्दै आफूलाई कोरोना भाइरसको संक्रमण भएको जानकारी दिएका थिए। यसअघि, भारतीय गृहमन्त्री अमित शाहलाई पनि कोरोना भाइरसको संक्रमण देखिएको थियो।