काठमाडौं, ७ भदौ – कोरोना प्रकोपका प्रभाव नेपालमा दिनप्रतिदिन बढ्दो छ। पछिल्लो २४ घण्टामा देशभर ८ सय १८ जनामा कोरोना संक्रमण पुष्टि भएको छ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार आजसम्ममा ३१ हजार ९ सय ३५ जनालाई कोरोना संक्रमण पुष्टि भएको छ।
पछिल्लो २४ घण्टामा काठमाडौं उपत्यकामा १ सय ६६ जनामा कोरोना संक्रमण भएको जानकारी गौतमले दिएका छन्।
काठमाडौंमा १ सय २६, ललितपुरमा १२ जना र भक्तपुरमा २८ जनालाई कोरोना संक्रमण भएको पत्रकार सम्मेलनमार्फत् गौतमले जानकारी दिएका छन्।
गौतमले कोरोना संक्रमणमुक्त भएका १८ हजार ६ सय ३१ जना डिस्चार्ज भइसकेका छन्। उनले ३ हजार ९ सय ४३ जनालाई घरमै आइसोलेसनमा राखिएको बताए।
प्रतिक्रिया