काठमाडौं, १२ भदौ – उद्योगपति विनोद चौधरीमा कोरोना भाइरसको संक्रमण भएको छ। चौधरीले शुक्रबार दिउसो १२ः५७ बजे ट्विट गरी कोरोना भाइरस पोजिटिभ भएको जानकारी दिएका हुन्।
अर्थपति चौधरीले कोरोना भाइरसको संक्रमण परीक्षण गर्दा शुक्रबार बिहान पोजिटिभ पुष्टि भएको उल्लेख गरेका छन्। यद्यपि, कोरोना भाइरसको कुनै लक्षण नदेखिएको चौधरीले बताएका छन्।
नेपाली कांग्रेसका तर्फबाट सांसद रहेका चौधरीले चिकित्सकको सुझावअनुसार आइशोलेसनमा बसेको बताउँदै आफ्नो सम्पर्कमा रहेकाहरूलाई सतर्कता अपनाउन पनि अनुरोध गरेका छन्।
प्रतिक्रिया