कोरोना संक्रमित थप ६ जनाको मृत्यु

काठमाडौं, १८ भदौ – कोरोना संक्रमणबाट थप ६ जनाको मृत्यु भएको छ। मृत्यु हुनेमा महिला चार र पुरुष दुईजना छन्।

यससँगै नेपालमा संक्रमणबाट मृत्यु हुनेको संख्या दुई सय ५७ पुगेको छ। स्वास्थ्य तथा जनसंख्या मन्त्रालयका अनुसार मृत्यु हुनेमा चितवनकी ४० वर्षीया र भक्तपुरकी ४० वर्षीया, तनहुँकी ९२ वर्षीया र रुपन्देहीकी ७७ वर्षीया महिला छन्।

त्यसैगरी सिन्धुपाल्चोकका ७७ वर्षीय र रुपन्देहीका ६५ वर्षीय पुरुषको मृत्यु भएको मन्त्रालयका प्रवक्ता डा. जागेश्वर गौतमले जानकारी दिए।

कोरोनाबाट मृत्यु हुनेको प्रतिशत ०.६ रहेको मन्त्रालयले जनाएको छ।