बारा र पर्साका थप १८ जनामा कोरोना संक्रमण पुष्टि

काठमाडौं, २० भदौ – बारा र पर्सा जिल्लाका थप १८ जनामा कोरोना संक्रमण पुष्टि भएको छ। थपिएका १८ जना संक्रमितमध्ये पर्साका ६ जना र बाराका १२ जना रहेको नारायणी अस्पतालले जानकारी दिएको छ।

जसमा पर्साको पर्सागढी नगरपालिका र नबिल बैंक वीरगन्ज शाखाका तीन कर्मचारीमा कोरोना पुष्टि भएको छ बताइएको छ।

त्यस्तै जितपुर सैनिक ब्यारेकका तीन सैनिक, जिल्ला प्रहरी कार्यालय बाराका तीन प्रहरी र सिम्रौनगढ नगरपालिकाका ६ जना गरी कुल १२ जनामा कोरोना संक्रमण पुष्टि भएको हो।