एजेन्सी, वैशाख २४ – अमेरिकाको एक स्कुलमा ६ कक्षामा अध्ययरत छात्राले ३ जनामाथि गोली प्रहार गरेकी छिन्। ती छात्राको गोली प्रहारबाट २ जना विद्यार्थी र स्कुलका केयरटेकर घाइते भएका छन्।
घाइतेहरुको अस्पतालमा उपचार भइरहेको छ। छात्राले रिग्बी मिडिल स्कुलभित्र गोली प्रहार गरेकी हुन्। उनले आफ्नो झेलामा हालेर बन्दुक स्कुलमा लगेकी थिइन्। गोली चल्न थालेपछि एक शिक्षिकाले ती छात्राको बन्दुक खोसेर सुरक्षाकर्मी नआउँदासम्म उनलाई नियन्त्रणमा राखेकी थिइन्।
गोली हान्ने छात्राको नाम गोप्य राखिएको छ। घटनाबारे थप अनुसन्धान भइरहेको त्यहाँका अधिकारीहरुले जानकारी दिएका छन्।
प्रतिक्रिया