काठमाडौं – नदीको किनारा बोलको गीतमा हास्य कलाकार विल्सन विक्रम राई (तक्मे बुढा)ले अभिनय गरेका छन्।
इन्द्रजित मिजारको स्वरमा रहेको गीतमा राईले अभिनय गरेका हुन्। मिजारको स्वर रहेको गीतमा प्रेम रामदामको शब्द तथा संगीत रहेको छ।
मिजार पुराना लोकप्रिय गाएक हुन्। टुङ्गनाको धुनमा, पिरतीको मिठो तिर्सना लगायत थुप्रै लोकप्रिय गीत मिजारले गाएका छन्।
नदीको किनारा गीतले आम माझी समुदायको दैनिकी, गरिबीले पारेको प्रभाव, आफ्नो समस्या सुनिदिने व्यक्ति नहुँदाको पीडालाई उतारेको छ।
राईले आफूले बाल्यकालमा सुनेका गीतका सर्जकसँग काम गर्ने अवसर पाएकोमा आफूलाई खुसी लागेको बताएका छन्।
प्रतिक्रिया