रुकुम, २३ जेठ – नवराज विक लगायत ६ जनाको ज्यान गएको कहालीलाग्दो घटनाको स्थलगत अनुगमन र अनुसन्धानका लागि नेपाल मानवअधिकार संगठनको एक टोली रुकुम पश्चिम चौरजहारी र जाजरकोटमा पुगेको छ।
नेपाल मानवअधिकार संगठनका अध्यक्ष महामुनिश्वर आचार्यका नेतृत्वमा संगठनको टोली रुकुम पुगेको हो। उक्त टोलीले प्रमुख जिल्ला अधिकारी, जिल्ला प्रहरी प्रमुखलगायतलाई भेटेर सोधपुछ र निष्पक्ष छानवीनको माग गरेको छ।
पीडित परिवार र स्थानीयबासीलाई भेटेर संगठनले छिट्टै स्थलगत अनुगमनको प्रतिवेदन तयार गर्ने कुरा अध्यक्ष आचार्यले बताएका छन्।
मानवअधिकारको गम्भीर उलङ्घन भएको यस घटनाका दोषीलाई कारबाहीको दायरामा ल्याउने प्रयास स्वरुप संगठनले आफै अनुसन्धान सुरुवात गरेको आचार्यले बताए।
हेर्नुहाेस् विशेष अन्तरवार्ता: राष्ट्रियताका लागि कांग्रेसका सांसद रगतले सहीछाप गर्न तयार
प्रतिक्रिया