काठमाडौं, ६ भदौ – पछिल्लो २४ घण्टामा नेपालमा कोरोना संक्रमणबाट थप ९ जनाको मृत्यु भएको छ। यससँगै मृतकको संख्या १ सय ४६ पुगेको छ।
स्वास्थ्य मन्त्रालयका प्रवक्ता जागेश्वर गौतमका अनुसार पछिल्लो २४ घण्टामा ६ सय ३४ जनामा कोरोना भाइरसको संक्रमण पुष्टि भएको छ।
देशभरका प्रयोगशालामा १२ हजार ५ सय १९ स्वाब परीक्षण गर्दा उपत्यकामा मात्रै २ सय १६ जनामा संक्रमण पुष्टि भएको हो।
काठमाडौंमा १ सय ६० जना, ललितपुरमा ६ र भक्तपुरका ५० जनामा कोरोना भाइरसको संक्रमण देखिएको छ।
नेपालमा कुल संक्रमितको संख्या ३१ हजार १ सय १७ पुगेको छ।
प्रतिक्रिया