काठमाडौं, ९ भदौ – नेपालमा कोरोना भाइरसको संक्रमितको संख्या ३३ हजार ५ सय ३३ पुगेको छ। साथै पछिल्लो २४ घण्टामा थप ७ जनाको मृत्यु भएको छ।
पछिल्लो २४ घण्टामा देशभरि ८ सय ५५ जनालाई कोरोना संक्रमण पुष्टि भएको छ। स्वास्थ्य मन्त्रालयका प्रवक्ता डा. जागेश्वर गौमतका अनुसार काठमाडौं उपत्यकामा २ सय ३२ जना संक्रमित थपिएका छन्।
काठमाडौंमा १ सय ९९ जना, भक्तपुरमा १४ जना र ललितपुरमा १९ जना संक्रमित थपिएको गौतमले बताएका छन्।
पछिल्लो २४ घण्टामै ३ सय १३ जना कोरोना संक्रमणमुक्त भएको उनले बताए। नेपालमा मंगलबारसम्ममा १९ हजार १ सय १९ जना कोरोनामुक्त भएका छन्।
प्रवक्ता गौतमले १ सय ६४ जनाको कोरोना संक्रमणका कारण मृत्यु भएको बताए। पछिल्लो २४ घण्टामा ११ हजार ३ सय २७ स्वाब परीक्षण गरिएको उनले बताएका छन्।
प्रतिक्रिया