काठमाडौं, ९ भदाै – सत्तारुढ नेपाल कम्युनिष्ट पार्टी (नेकपा)को सचिवालय बैठक शनिबार बस्ने भएको छ।
मंगलबार बिहान प्रधानमन्त्री निवास बालुवाटारमा अध्यक्षद्वय केपी शर्मा ओली र पुष्पकमल दाहाल प्रचण्डबीच भएको बैठकले भदौ १३ गते शनिबार सचिवालय बैठक बोलाउने निर्णय गरेको हो।
ओली प्रचण्डबीच मंगलबार बिहान करिब ३ घण्टा छलफल भएको थियो। छलफलमा महासचिव विष्णु पौडेल र नेता जनार्दन शर्मा पनि सहभागी थिए।
पार्टीभित्रको विवाद समाधानका लागि बनाइएको कार्यदलले यही भदौ ६ गते अध्यक्षद्वयलाई बुझाएको प्रतिवेदनबारे छलफल गर्न ओली र प्रचण्ड छलफलमा बसेका हुन्।
महासचिव विष्णु पौडेल नेतृत्वको ६ सदस्यीय कार्यदलले शनिबार प्रतिवेदन बुझाएको थियो।
प्रतिक्रिया