लण्डन, १ कात्तिक – बेलायतका लागि नेपाली राजदूत डा दुर्गाबहादुर सुवेदीको नयाँ गीत बजारमा आएको छ। सुवेदीको शब्द रचना रहेको ‘अधर’ बोलको गीतमा रामकृष्ण ढकालको स्वर तथा शिखर सन्तोषको संगीत सुन्न सकिन्छ।
गीतको म्यूजिक भिडियोमा विष्णु खारेलको साथमा रोश्नी कार्कीले अभिनय रहेको छ। म्यूजिक भिडियोमा कुशल श्रेष्ठको छायाङ्कन, सम्पादन तथा निर्देशन रहेको छ।
निर्देशक श्रेष्ठले बेलायतबाट चलचित्र एवम् म्यूजिक भिडियो गरी दुई दर्जन भिडियो निर्माण गरिसकेका छन्। भिडियोमा बेलायतका प्रमुख स्थानका दृश्यहरू रहेका छन्।
प्रतिक्रिया