काठमाडौं, २५ मंसिर – प्रधानमन्त्री केपी शर्मा ओलीले संवैधानिक परिषद्को बैठक बोलाएका छन्। मंसिर २८ गते आइतबार ९ बजे परिषदको बैठक बोलाइएको हो।
बैठकमा संवैधानिक नियुक्तिको कार्यसूची रहने प्रधानमन्त्री स्रोतले जानकारी दिएको छ। सत्तारूढ दलभित्रै र प्रमुख प्रतिपक्षी दलसँग पनि भागबन्डा नमिल्दा करिब ४ दर्जन पद रिक्त छन्।
राष्ट्रिय मानवअधिकार आयोग र अख्तियार दुरुपयोग अनुसन्धान आयोगमा प्रमुख सहित चार र दुई सदस्य खाली छन्। निर्वाचन आयोगमा दुई आयुक्त खाली छन्।
राष्ट्रिय प्राकृतिक स्रोत तथा वित्त आयोगमा पनि सदस्यहरू रिक्त छन्। राष्ट्रिय महिला आयोग, राष्ट्रिय दलित आयोग पनि पदाधिकारीविहीन छ।
प्रतिक्रिया