बुटवल, २६ वैशाख – लुम्बिनी प्रदेशसभाका विपक्षी दलले मुख्यमन्त्री शंकर पोखरेलविरुद्ध अविश्वास प्रस्तावमाथि छलफल गर्न विशेष अधिवेशन माग गरेका छन्।
प्रतिपक्षी दल नेपाली कांग्रेस, नेकपा माओवादी केन्द्र र जनता समाजवादी पार्टीले आइतबार प्रदेश प्रमुख धर्मनाथप्रसाद यादवलाई भेट गरी अविश्वास प्रस्तावमाथि छलफल गर्न विशेष अधिवेशनको माग गरेका हुन्।
मुख्यमन्त्री पोखरेलविरुद्ध यसअघि वैशाख ६ गते पनि अविश्वासको प्रस्ताव दर्ता भएको थियो। साथै आइतबार दर्ता गरिएको अविश्वासको प्रस्तावमाथि छलफल गर्न विपक्षीले माग राखेका छन्।
बहुमतमा रहेका नेकपा माओवादी केन्द्र संसदीय दलका नेता कुलप्रसाद केसीलाई मुख्यमन्त्री बनाउन प्रस्ताव गरेका छन्। उनीहरूले मुख्यमन्त्री पोखरेलको पक्षमा प्रदेशसभामा बहुमत नरहेको दावी गरेका छन्।
विपक्षी दलले आइतबार प्रदेशसभामा ४० सांसद्को हस्ताक्षरसहित मुख्यमन्त्री पोखरेलविरुद्ध अविश्वास प्रस्ताव दर्ता गरेका छन्।
प्रतिक्रिया