काठमाडौं – नेपाली कांग्रेसका नेता गगनकुमार थापाले आसन्न १४औं महाधिवेशनमा महामन्त्री पदमा उम्मेदवारी दिने घोषणा गरेका छन्।
काठमाडौं महानगरपालिका वडा नम्बर–३० मा सोमबार आयोजित क्रियाशील सदस्यहरूको भेलालाई सम्बोधन गर्दै सांसद् थापाले महामन्त्रीमा उम्मेदवारी दिन लागेको घोषणा गरेका हुन्।
१३औं महाधिवेशनमा पनि थापा महामन्त्रीमा उम्मेदवार बनेका थिए। त्यसबेला सिटौला समूहबाट उम्मेदवार बनेका उनले ५ सय ८४ मत पाएका थिए।
उनका ससुरा अर्जुननरसिंह केसी शेरबहादुर देउवा समूहबाट महामन्त्रीका उम्मेदवार थिए। तर, रामचन्द्र पौडेल समूहका डा. शशांक कोइराला निर्वाचित भएका थिए।
थापा यो पटक कुन समूहबाट उम्मेदवार बन्ने अझै टुंगो लागेको छैन। कांग्रेसको १४औं महाधिवेशन आगामी मंसिर ९ देखि १३ गतेसम्म काठमाडौंमा गर्ने तय भएको छ।
रमेश खरेलकाे राजनीतिक यात्रा अब कसरी? (अन्तरवार्ता)
प्रतिक्रिया