काठमाडौं- नेपाली कांग्रेसले पार्टीको १४औं केन्द्रीय महाधिवेशनको मिति तय गर्दै त्यसको तयारीलाई तीव्र बनाएको छ। महाअधिवेशन नजिकिएपछि गाउँमा पनि चुनावी चहलपहल शुरु भएको छ।
नेपाली कांग्रेसमा ७५ वर्ष पूरा भएका क्रियाशील सदस्यहरूको संख्या ११ हजार ६ सय २३ रहेको छ। कांग्रेस केन्द्रीय कार्यालयका अनुसार यो संख्या प्रतिशतको हिसावले १ दशमलव ३० प्रतिशत हुन आउँछ।
७५ वर्ष उमेर पुगेको समूहमा सभापति शेरबहादुर देउवा र नेता रामचन्द्र पौडेल पनि पर्छन्। कांग्रेसमा १६ देखि २५ वर्ष उमेर समूहका क्रियाशील सदस्यको संख्या ३८ हजार ९ सय ४२ रहेको छ।
२६ देखि ४० वर्ष उमेर पुगेका क्रियाशील सदस्यको संख्या २ लाख ४३ हजार २ सय ८७ रहेको छ। १६ देखि ३० वर्षको उमेर समूहका क्रियाशील सदस्यमा १ लाख २३ हजार ४ सय ६२ रहेका छन्।
४१ देखि ६० वर्ष समूहमा ३ लाख २१ हजार १ सय ७४ रहेका छन्।६१ देखि ७५ वर्षको समूहमा ८१ हजार ६ सय ४७ जना क्रियाशील सदस्य रहेका छन्।
प्रतिक्रिया