सुनको मूल्य ५०० रुपैयाँले बढ्यो

काठमाडौं, बैशाख ५ गते । सोमबार सुनको मूल्य तोलामा ५ सय रुपैयाँले वृद्धि भएको छ । नेपाल सुन चाँदी व्यवसायी महासंघका अनुसार सोमबार छापावाल सुनको मूल्य तोलामा एक लाख २ हजार ५ सय रुपैयाँमा कारोबार भइरहेको छ । आइतबार छापावाल सुनको मूल्य तोलामा एक लाख २ हजार रुपैयाँमा
कारोबार भएको थियो ।

यस्तै सोमबार तेजावी सुनको मूल्य एक लाख २ हजार रुपैयाँ तोक्दा चाँदीको मूल्य भने तोलामा १ हजार ४२० रुपैयाँ छ । आइतबारको तुलनामा चाँदीको मूल्य ५ रुपैयाँले वृद्धि भएको महासंघले जनाएको छ ।